Հայաստան - Թուրքիա կինոպլատֆորմ

ՀԱՅԱՍՏԱՆ - ԹՈՒՐՔԻԱ ԿԻՆՈՊԼԱՏՖՈՐՄ
ԿԻՆՈՆԱԽԱԳԾԵՐԻ ԶԱՐԳԱՑՄԱՆ ԱՇԽԱՏԱԺՈՂՈՎ
(10-11 ՀՈՒԼԻՍ, 2017, ԵՐԵՎԱՆ)

 «Հայաստան-Թուրքիա կինոպլատֆորմը» (ՀԹԿՊ) հրավիրում է Հայաստանի և Թուրքիայի, ինչպես նաև երկու կողմերի Սփյուռքի ներկայացուցիչ կինոգործիչներին մասնակցելու կինոնախագծերի զարգացման աշխատաժողովին։ Ընդունվում են կարճամետրաժ և վավերագրական կինոնախագծերի հայտեր: Աշխատաժողովը տեղի կունենա 2017-ի հուլիսի 10-ից 11-ը Երևանում` Ոսկե Ծիրան 14-րդ միջազգային կինոփառատոնի շրջանակներում:

Աշխատաժողովը ներառում է վերապատրաստման դասընթացներ, կինոնախագծերի ներկայացումներ և գործնական հանդիպումներ: Աշխատաժողովին մասնակցելու համար կընտրվեն 10 կինոնախագիծ (5 նախագիծ Հայաստանից, 5՝ Թուրքիայից): Ընտրված դիմորդները կներկայացնեն իրենց գաղափարները միջազգային ժյուրին:

Լավագույն նախագծին Եվրոմիության կողմից կշնորհվի 7,500 եվրոյի չափով դրամական պարգև:

ՀԹԿՊ-ն կհոգա թուրքական կողմի մասնակիցների ճանապարհածախսն ու կեցության ծախսերը (յուրաքանչյուր նախագիծ ներկայացնելու համար կհրավիրվի միայն մեկ մասնակից):

Հայտերի ընդունման վերջնաժամկետը 2017-ի հունիսի 15-ն է:

Նախագծին դիմելու համար պետք է ներբեռնել և լրացնել մասնակցության հայտը և ուղարկել այն հետևյալ փաստաթղթերի հետ միասին, անգլերեն լեզվով.

•  ռեժիսորի, պրոդյուսերի և սցենարի հեղինակի կենսագրությունները և CV-ները, ներադած լեզուների իմացությունը
•  հայտատուի լուսանկարը
• մոտիվացիա (ռեժիսորի/պրոդուսերի – առավելագույնը 1 էջ)
• ֆիլմի համառոտ նկարագրություն – սինոփսիս (առավելագույնը 1 էջ)
• ֆիլմի հիմնական միտքը մեկ նախադասությամբ
• ֆիլմի համառոտ նկարագրություն և մեկնաբանությունը – թրիթմենթ (մինչև 10 էջ)
• ռեժիսորի / պրոդյուսերի տեսանկյունը նախագծի մասին (մինչև 1 էջ)
• ռեժիսորի և պրոդյուսերի ֆիլմոգրաֆիաները
• նախագծի զարգացման ժամանակացույցը/աշխատանքային գրաֆիկը
• բյուջեն,ֆինանսական պլանը

Լրացված հայտերը և կից փաստաթղթերը խնդրում ենք ուղարկել հետևյալ հասցեներով՝

atcp@gaiff.am և info@cinemaplatform.org

ՀԹԿՊ-ն սկսել է գործել 2008 թվականից որպես համագործակցություն շահույթ չհետապնդող կազմակերպություններ «Անադոլու Քյուլթուրի» (Թուրքիա) և «Ոսկե Ծիրան» Երևանյան Միջազգային Կինոփառատոնի (Հայաստան) միջև: Այն մեկ ընդհանուր ցանց է երկու երկրների կինոգործիչների համար համագործակցության և համատեղ ֆիլմերի ստեղծման համար: Իր հիմնադրման օրվանից սկսած ՀԹԿՊ-ն աջակցել է 23 ֆիլմերի ստեղծմանը, որոց հեղինակները կինգործիչներ են Հայաստանից և Թուրքիայից: