Ժյուրի

Հայկական համայնապատկեր

Վերադարձ
 
Ռուզան Զաքարյան (Հայաստան)
Ռուզան Զաքարյան (Հայաստան)
Ծնվել է Երեւանում: Ավարտել է Երեւանի պետական համալսարանի բանասիրական ֆակուլտետը, մասնագիտական որակավորում է անցել Լենինգրադի (Սանկտ-Պետերբուրգ) Պուշկինի տուն-թանգարանում եւ Էրմիտաժում: Հայաստանի ժուռնալիստների միության, Կինոքննադատների եւ կինոլրագրողների միջազգային (FIPRESCI) ասոցիացիայի հայաստանյան մասնաճյուղի, «Պո-Արաքս» (Վենետիկ) հայ-իտալական մշակութային ընկերության անդամ է: Նրա մշակութային խնդիրներ արծարծող, հրապարակախոսական եւ արվեստաբանական աշխատությունները, միջազգային կինոփառատոների, թատերական ստուգատեսների, գիտաժողովների եւ բիենալեների (Հայաստան, Վրաստան, Ուկրաինա, Մերձբալթյան երկրներ, Միջին Ասիա, Հնդկաստան, Իտալիա, ԱՄՆ, Թուրքիա) լուսաբանող հարցազրույցները եւ հոդվածները հայերեն եւ թարգմանաբար (ռուսերեն, անգլերեն, ֆրանսերեն եւ իտալերեն), տպագրվել են Հայաստանի եւ արտերկրի մամուլի էջերում: 1998թ «Գյումրի, Գյումրի» հոդվածի համար արժանացել է «Աղետի գոտի` տաս տարի անց» թեմայով ` Բաց Հասարակության Ինստիտուտի (OSI) սահմանած մրցանակին: 2000 թ. արժանացել է «Ոսկե գրիչ» մրցանակին: Հեղինակ է «Վենետիկյան միջանվագ» գրքի (2000 թ.): 2003-ից «Արվեստ» համացանցային ամսագրի գլխավոր խմբագիրն է:
Անահիտ Նազարյան (ԱՄՆ)
Անահիտ Նազարյան (ԱՄՆ)
Ծնվել է Նյու Ջերսիում, մեծացել` Լոս Անջելեսում: Վաղ տարիքից երաժշտություն է ուսանել, ջութակ, ֆլեյտա, ալտ սաքսոֆոն և բաս կիթառ նվագել տարբեր նվագախմբերում` սկսած սիմֆոնիկ նվագախմբերից մինչև ծանր ռոքի խմբերը: Կինոկարիերան սկսել է Ֆրենսիս Ֆորդ Կոպոլայի «American Zoetrope» ընկերությունում՝ որպես հետազոտական գրադարանի տնօրեն: Շարունակելով երկարամյա համագործակցությունը Կոպոլայի հետ` դարձել է նրա սցենարների խմբագիրը և պրոդյուսերը: Նազարյան պրոդյուսերի առաջին ֆիլմը «Նուռն» է, երկրորդը` «Պատրանքը»` Քըրք Դուգլասի մասնակցությամբ: Տասնամյա ընդմիջումից հետո Կոպոլայի նկարահանած «Երիտասարդություն` առանց երիտասարդության» ֆիլմի գործադիր պրոդյուսերն է: Նկարահանումների ընթացքում գրեթե երկու տարի անցկացրել է Ռումինիայում: Այժմ զբաղված է Կոպոլայի «Տետրո» նոր ֆիլմի արտադրությամբ, որը նկարահանվում է Արգենտինայում:
Պատրիկ Կազալս (Ֆրանսիա)
Պատրիկ Կազալս (Ֆրանսիա)
Ֆրանիսիայի հարավում` Լեսպինյանում, ծնված Պատրիկ Կազալսը փիլիսոփայություն և կինոարվեստ է ուսանել Սորբոնում: Հեռուստատեսային պրոդյուսեր է և ռեժիսոր (1987-ին հիմնել է «Les Films du Horla» սեփական ընկերությունը): Մոտ 50 վավերագրական ֆիլմերի և կինոդիմանկարների հեղինակ է: 1988-2000 թթ. թղթակցել է «Liberation», «Cahiers du Cinema» պարբերականներին և Ֆրանսիական ռադիոյին (France Culture), հոդվածներ գրել տարբեր հանդեսների ու թերթերի համար: Նրա գրքերի թվում են «Մյուզիդորա. տասներոդ մուսան», «Սերգեյ Փարաջանովը» (հրատարակիչ` Cahiers du Cinema) և «Պատմություններ ու լեգենդներ» նշանավոր շարքի երկու գիրք (Nathan հրատարակչություն): 1989-1990 թթ. եղել է Գրքերի ազգային կենտրոնի թոշակառու, 1980-1985 թթ. Աբյուսոնում` մշակութային ակցիայի, Ազգային բեմական կենտրոնի և Try Cinema ցուցասրահի մենեջեր: Կլոդ Միլերի ասիստենտն է եղել «Նվագակցուհին» ֆիլմում (1990) և Օթար Իոսելիանիի առաջին ասիստենտը` Arte հեռուստաալիքի երկու հատուկ թեմատիկ երեկոների ընթացքում (Միակ Վրաստանը, 1994): 1994-1995 թթ. անդամակցել է Արևելյան երկրների և Կենտրոնական Եվրոպայի կինոթատրոնների աջակցության հիմնադրամի նախագծերին (CNC հանձնախումբ), 2004-2006-ին` Վավերագրական ֆիլմերի աջակցության հիմնադրամի նախագծերին (CNC հանձնախումբ): Լսատեսողական միջոցների վարչության (SCAM ) անդամ է:
Զավեն Ղուկասյան, (Իրան)
Զավեն Ղուկասյան, (Իրան)
Ծնվել է 1950-ին Նոր Ջուղայում, Սպահան: Ավարտել է Սպահանի համալսարանի քիմիայի բաժինը: 1971-ին համահիմնադրել է Սպահանի «Ազատ կինո» կազմակերպությունը` ղեկավարելով մինչև 1978-ը: Միաժամանակ զբաղվել է ռեժիսուրայով, նկարահանել «Արշալույսին» (1972), «Հին տիկնիկը» (1973), «Մեկ այլ եղանակ» (1976) կարճամետրաժ ժապավենները: 1970-ից քննադատական հոդվածներով հանդես է գալիս կինոյի և թատրոնի ամսագրերում: Հեղինակ է իրանական կինոյի վետերան ռեժիսորների (Մասուդ Քիմիայի, Բահրամ Բայզաի, Աբբաս Քիառոստամի) և նրանց ֆիլմերի մասին պարսկերեն գրքերի: 1980-ականներից ակտիվորեն աշխատում է նաև հեռուստատեսությունում, նկարահանել է «Իմ բոլոր զավակները», «Ես Ռըզա Նուրկիան եմ», «Լուսանկարիչը», «Վանքի երկնքի տակ», «Թռիչք», «Մարդ, ձի, ձուկ», ինչպես նաև հայկական թեմաներով մի շարք հեռուստաֆիլմեր: Արժանացել է Իրանի կառավարության «Ոսկե ֆիլմ» մրցանակին:
Միքայել Դովլաթյան (Հայաստան)
Միքայել Դովլաթյան (Հայաստան)
Ծնվել է 1958թ. հուլիսի 23 Երևանում: 1976-ին ավարտել է Երևանի պետական գեղարվեստաթատերական ինստիտուտը: 1981թ. Մոսկվայում ավարտել է Կինեմատոգրաֆիայի պետական ինստիտուտը (ՎԳԻԿ): Որպես դերասան նկարահանվել է մի շարք ֆիլմերում, այդ թվում` 1979 թ. «Ապրեցեք երկար», ռեժիսոր` Ֆ. Դովլաթյան, 1988թ. «Տասներեքերորդ առաքյալը» ռեժիսոր` Ս.Բաբայան, 1995թ. «Լաբիրինթոս», 2007թ. «Խնկարկում» ռեժիսոր` Գ. Հարությունյան: 1976թ. Երևանում Beaux-Arts թատրոնում բեմադրել է Նոդար Դումբաձեի «Սպիտակ դրոշներ» ներկայացումը: Միքայել Դովլաթյանի ռեժիսորական աշխատանքներն արժանացել են բազմաթիվ փառատոնների մրացանկների` 1980թ. Ռիգայի կինոստուդիայում նկարահանված Sapienti Sat ֆիլմն արժանացել է Օբերհաուզենում անցկացվող ուսանողական ֆիլմերի փառատոնի ժյուրիի հատուկ մրցանակի, 1994թ. նկարահանված «Անսապատ մարդու սերը» ֆիլմն արժանացել է Սանկտ Պետերբուրգի «Ուղերձ մարդուն» փառատոնի միջազգային և էկումենիկ ժյուրիի մրցանակների, 1995թ. նկարահանված «Լաբիրինթոս»: ֆիլմն արժանացել է Զարաուցում (Իսպանիա) միջազգային կինոփառատոնի ժյուրիի հատուկ մրցանակի:
Moscow Cinema
 Hirair and Anna Hovnanian Foundation
 
Օրաթերթ
 
Արձագանքներ
 
 
©2004-2019 ՈՍԿԵ ԾԻՐԱՆ ՄԻՋԱԶԳԱՅԻՆ ԿԻՆՈՓԱՌԱՏՈՆ. ԲՈԼՈՐ ԻՐԱՎՈՒՆՔՆԵՐԸ ՊԱՇՏՊԱՆՎԱԾ ԵՆ: Դիզայն