Ժյուրի

Հայկական համայնապատկեր

Վերադարձ
 
Նիք  Հոլդսուորթ
Նիք Հոլդսուորթ
Կենտրոնական և Արևելյան Եվրոպայում ու Ռուսաստանում աշխատող լրագրող, սցենարիստ, ռեժիսոր, կինո- և հեռուստատեսային արտադրանքի փորձագետ: «The Hollywood Reporter»-ի արևելաեվրոպական բաժնի վարիչն է, մոսկովյան թղթակից է աշխատել լոնդոնյան «Sunday Telegraph» թերթում, «Times»-ի «Higher Education» հավելվածում և «Variety» հանդեսում: Որպես կինոարտադրության փորձագետ՝ կինոյի և հեռուստատեսության շուրջ քննարկումներ է կազմակերպել մի շարք միջազգային միջոցառումների շրջանակներում, ընդ որում՝ Կաննի (Ռուսական տաղավար, 2012), Վրոցլավի «Նոր հորիզոններ» (2012-14), Բեռլինի (6-րդ Cinema Total, 2012, շեշտադրումը՝ Ռուսաստանի հետ համատեղ կինոարտադրություն) ՄԿՓ-երում: Հինգ վավերագրական կարճամետրաժ ֆիլմի սցենարի հեղինակը և ռեժիսորն է: Այժմ աշխատում է «Նապոլեոնի կորուսյալ կայսերական գանձը» դրամա-վավերագրական նախագծի վրա:
Իրենա Բիլիչ (Ֆրանսիա)
Իրենա Բիլիչ (Ֆրանսիա)
Բելգրադում ծնված և հասակ առած Իրենա Բիլիչը Սորբոնում փիլիսոփայություն ու մարդաբանություն է ուսանել, Ժան Ռուշի և Էրիկ Ռոմերի ղեկավարությամբ` կինոռեժիսուրա: Համալսարանն ավարտելուց հետո հանդես է եկել որպես կինոքննադատ և թարգմանիչ: Հեղինակել է ավելի քան 20 վավերագրական և կարճամետրաժ խաղարկային ֆիլմ (այդ թվում` «Խենթ տունը», «Խորհրդավոր նավերը», «Դերվիշները», «Սպան» և «Ավելի ուշ է, քան կարծում ես»), որոնք ներկայացվել են, Կրետեյի, Կլերմոն-Ֆեռանի, Ստոկհոլմի, Բելգրադի, Կոլաշինի, Մոսկվայի և Մոնպելյեի փառատոներում, ինչպես նաև Ֆրանսիական ֆիլմադարանում, Մարդու թանգարանում, Քասելի Documenta ցուցահանդեսում, UNESCO-ում, Օսլոյի կինոթանգարանում և Նյու Յորքի Ամերիկյան գեղարվեստի պատկերասրահում: Իրենա Բիլիչը 2006-ից ի վեր Փարիզում և Նորմանդիայում կայացող «Եվրոպան Եվրոպայի շուրջ» և «Եվրոպան Եվրոպայով» արվեստի և հեղինակային ֆիլմերի մեկամսյա փառատոների հիմնադիրն է, պրոդյուսերը և գեղարվեստական ղեկավարը:
Բիջայա Ջենա
Բիջայա Ջենա
Ռեժիսոր, սցենարիստ, դերասանուհի: Ավարտել է Հնդկաստանի կինոինստիտուտը (Պունա), Օրիսա նահանգից սերող նշանավոր դերասանուհի է և պետական մրցանակակի դափնեկիր՝ որպես լավագույն դերասանուհի: Խաղացել է գեղարվեստական ֆիլմերում և հեռուստասերիալներում: Այդ ֆիլմերից «Հակիմ Բաբու»-ն ճանաչվել է լավագույն օրիական ֆիլմ՝ արժանանալով ազգային մրցանակի: 1992-95 թթ. Բիջայա Ջենան ընդգրկվել է Հնդկաստանի կինոյի և հեռուստատեսության ինստիտուտի վարչական խորհրդի կազմում: Ժյուրի անդամ է եղել և տարբեր փառատոներում և բազմաթիվ մրցանակներ ստացել: Բիջայան ուժերը փորձել է նաև որպես ռեժիսոր: «Թարա» և «Աբհաաս» մրցանակակիր ֆիլմերի պրոդյուսերը, սցենարի հեղինակը, ռեժիսորը և դերակատարուհին է: Ֆիլմերն արժանացել են մի շարք մրցանակների:
Մարինա Աժաժա (ԱՄՆ)
Մարինա Աժաժա (ԱՄՆ)
Սցենարիստ, կինոծրագրերի համադրող: 1998-ից ի վեր Սիեթլի ՄԿՓ-ի կինոծրագրավորող, ֆիլմեր ընտրող Մարինա Աժաժայի ուշադրության կենտրոնում Արևելյան և Կենտրոնական Եվրոպայի, Ռուսաստանի, բալթյան երկրների և Կենտրոնական Ասիայի ֆիլմերն են: Նա անդամակցել է Տրիեստի, Վարշավայի և Բելառուսի «Լիստապադ» կինոփառատոների ժյուրիներին: Ծնվել է 1950-ին Հոլիվուդում, հասակ առել Լոս Անջելոսում և 1969-ից բնակվել Վաշինգթոն նահանգում: 1989-ին ավարտել է Վաշինգթոնի Էվերգրին նահանգային քոլեջի գրականության բաժինը բակալավրի աստիճանով: 1991-97 թթ. ապրել է Ռուսաստանի Դաշնությունում և սովորել Սանկտ Պետերբուրգի Հեռուստատեսության և կինոյի ինստիտուտի ռեժիսորական ֆակուլտետում (1993-94, Սեմյոն Արանովիչի արվեստանոց): Եղել է Ռուսաստանում առաջին՝ «Պատմությունը Հոլիվուդի աչքերով» ամերիկյան ճամփորդող կինոփառատոնի պրոդյուսերներից մեկը: 1988-ին ավարտել է Վաշինգթոնի համալսարանի սցենարական դասընթացը, իսկ 2005-ին`TheFilmSchool-ի սցենարական բաժինը (Սթյուարթ Սթերնի արվեստանոց):
Արա Երնջակյան  (Հայաստան)
Արա Երնջակյան (Հայաստան)
Ծնվել է 1951-ին Երևանում: Արվեստի վաստակավոր գործիչ, Երևանի պետական կամերային թատրոնի հիմնադիր և ռեժիսոր, թատերագիր: Նախնական մասնագիտությամբ կիբեռնետիկոս է և միայն 1983-ին է ավարտել ռեժիսորական կրթությունը: Ուսանողական տարիներին հիմնել է Հայաստանի Ուրախների և հնարամիտների ակումբը և թատերական հաջողությունների հասել: Զուգահեռաբար 1990-ից սկսել է զբաղվել կինոռեժիսուրայով` մինչև օրս նկարահանելով չորս ֆիլմ:
Moscow Cinema
 Hirair and Anna Hovnanian Foundation
 
Օրաթերթ
 
Արձագանքներ
 
 
©2004-2019 ՈՍԿԵ ԾԻՐԱՆ ՄԻՋԱԶԳԱՅԻՆ ԿԻՆՈՓԱՌԱՏՈՆ. ԲՈԼՈՐ ԻՐԱՎՈՒՆՔՆԵՐԸ ՊԱՇՏՊԱՆՎԱԾ ԵՆ: Դիզայն