"Ոսկե ծիրան կինոփառատոն անիվների վրա"` Ջավախքում

"Ոսկե ծիրան” երևանյան միջազգային կինոփառատոնը արդեն 5-րդ անգամ տեղի կունենա Ջավախքում՝ Ախալքալաքում, նոյեմբերի 10-14-ը: Փառատոնի շրջանակներում կանցկացվի հայ-վրացական կինոփառատոնը: Կցուցադրվեն "Ոսկե ծիրան” 8-րդ կինոփառատոնի ֆիլմերի ընտրանին և Վրաստանի ազգային կինոկենտրոնի կողմից վերջին տարիներին ստեղծված լավագույն ֆիլմերը:
Ծրագրի բացումը տեղի կունենա նոյեմբերի 10-ին, Ախալքալաքի "Ապագայի տուն" կենտրոնում՝ "Ոսկե ծիրան" կինոդահլիճում:
"Ոսկե ծիրանը անիվների վրա” կինոփառատոնը իրականացվում է ՎիվաՍել-ՄՏՍ-ի հովանավորությամբ:
"Ոսկե ծիրանը” Ջավախքում կինոփառատոնն իրականացվում է "Փյունիկ" մարդկային ռեսուրսների զարգացման հիմնադրամի, ՀՀ-ում Վրաստանի դեսպանության, Վրաստանի ազգային կինոկենտրոնի հետ համագործակցությամբ: